Әйтеке би кентіндегі жеті көшеге қиыршық тас төселуде
Аудан орталығы – Әйтеке би кентіндегі 7 көшеге қиыршық тас төселуде. Олардың қатарында ұзындығы 1 шақырымға жуықтайтын Қ.Қартақов көшесі бар.Одан бөлек, Қ.Ибрагимов, И.Байзақов, Бейбітшілік, Ә.Қашаубаев, Жанқожа батыр 3 км көшелері мен Біржан сал көшесінің бас жағына қиыршық тас төселуде.
Бүгін аудан әкімі Мұхтар Оразбаев қиыршық тас төселіп жатқан көшелерге арнайы барып, жұмыс барысын көрді.
Атқарылып жатқан жұмыстар жөнінде мердігер мекеме "Қазалы жолаушы" ЖШС директоры Бекқали Бекбауылов айтып берді.
Аудан әкімі Мұхтар Оразбаев көшелерге қиыршық тас төсеу жұмыстарды жобаға сәйкес жүргізу қажеттігін айтты.
Сонымен қатар, атқарылатын жұмыстарды сапалы әрі уақытылы аяқтауды тапсырды. Жұмыстың сапасын қадағалауды тиісті сала басшыларына тапсырды.
Мұнан соң аудан әкімі Мұхтар Оразбаев пен аудандық мәслихат хатшысы Бақытжан Жарылқаппен бірге 250 орындық мектептің құрылысын көрді.
Мердігер мекеменің жауапты қызметкері бүгінгі күні атқарылып жатқан жұмыстарды қысқаша айтып берді. Жауапты маманның айтуынша, қазіргі таңда құрылысқа қажетті материалдарға тапсырыс берілген.
Аудан әкімі Мұхтар Оразбаев жұмыс қарқынын әлде де күшейтіп, құрылысшылар санын көбейту қажеттігін айтты.
Тиісті сала басшыларына құрылыстың сапалы әрі уақытында аяқталуын қадағалауды тапсырды.
#Қазалы
"ҚАЗАЛЫ" ақпарат
