Фракция отырысында сайлауалды бағдарламаның орындалуы қаралды
Бүгін «AMANAT» партиясы аудандық филиалы мәжіліс залында аудандық мәслихаттағы фракция отырысы өтті. Фракция жұмысына партия филиалының төрағасы Мұхтар Оразбаев, пария филиалының Атқарушы хатшысы Нұрғиса Жалғасбаев, аудандық мәслихат хатшысы Бақытжан Жарылқап, фракция мүшелері және партияның сайлауалды бағдарламасын іске асыру аясында құрылған жұмысшы топ мүшелері қатысты.Жиында күн тәртібіндегі бірінші мәселе Жол картаның 2021 жылға жүзеге асырылуы және 2022 жылға жоспары бойынша партия филиалы төрағасы Мұхтар Оразбаев баяндама жасады. Бұдан бөлек филиал төрағасы 2022 жылға жоспарланған шаралар ішінен орындалмау қаупі бар тармақтарды атап өтіп, олардың орындалуы бойынша фракция мүшелері мен жұмысшы топ өкілдеріне жыл бойы бірлесе жұмыс атқаруға шақырды.
Сондай-ақ, жиын барысында жұмысшы топ мүшелеріне сайлауалды бағдарламадағы белгіленген тармақтар бойынша сауалдар қойылып, тиісті тапсырмалар жүктелді.
Күн тәртібіндегі екінші мәселе депутаттық фракцияның 2022 жылға арналған жұмыс жоспарын бекіту бойынша бірқатар ұсыныстар айтылып, филиал төрағасы Мұхтар Оразбаев жиын соңында барлық сайлауалды уәделердің уақытылы орындалуы мен жиын барысында айтылған ұсыныс-пікірлер негізінде жұмыстарды күшейтуді тапсырып, фракция отырысын қорытындылады.
