Қазалы сотында Қазақстан Республикасының ҚК-нің 188-бабының 1-бөлігімен сотқа берілген Д.-ға қатысты қылмыстық іс қаралды.

Іс материалдары бойынша, сотталушы Д. Қазалы ауданы, Ақөзек учаскесінде «РЗА-Асыл түлік» ЖШС-нің қорасынан, «голштин фриз» бұзауын жасырын ұрлап кетіп, жәбірленуші «РЗА-Асыл түлік» ЖШС-не жалпы құны 200 000 тенге материалдық шығын келтірген.

Сот отырысында сотталушы Д. өзіне тағылған айыпты толығымен мойындаған.

Сот үкімімен Д. Қазақстан Республикасының ҚК-нің 188 -бабының 1-бөлігінде көзделген қылмысты жасауда кінәлі деп танылып, оған 1 жыл 6 ай мерзімге бас бостандығын шектеу жазасы тағайындалып, «Меrcedes-Benz Е 280» маркалы автокөлігі қылмыс құралы ретінде мемлекет пайдасына тәркіленді.

Үкім заңды күшіне енген жоқ.