Қазалы Қазалы аудандық қоғамдық-саяси газет
» » Партиялық бақылау комиссиясының отырысы өтті

Партиялық бақылау комиссиясының отырысы өтті

Бүгін аудандық партия филиалында партиялық бақылау комиссиясының кезекті отырысы өтті. Күн тәртібінде Әйтеке би кенті бойынша жеке тұрғын үй құрылысын жүргізу үшін жер телімдерін беру, тұрғын үйді салудағы заңдылықтар және инклюзивті білім беру жұмыстарының орындалуы, ерекше білім беруді қажет ететін балалармен «Балалар жылы» аясында атқарылатын шаралар туралы қаралды.
Осы бағыттар бойынша аудандық құрылыс, сәулет және қала құрылысы бөлімінің басшысы Нұрбек Күзембаев және аудандық білім бөлімінің сектор меңгерушісі Кенжетай Шамшадинов баяндады.
Жиында кеңес мүшелері тарапынан құрылысты бұзып салудағы даулардың алдын-алу, жаңа құрылыс нысандарының талаптарды сақтауын бақылау мақсатында мониторинг жұмыстарды жүргізу, жеке тұрғын үй салуға алған жердің мақсатын кәсіпкерлік мақсатқа өзгерту, ерекше білімді қажет ететін балалармен жұмысты күшейту және т.б. бірқатар ұсыныстар айтылып, сауалдар қойылды.
Комиссия отырысын қорытындылаған комиссия төрағасы Ғазиз Әліш ұсыныстар аясында жұмыстарды жүргізу керектігін жеткізіп, жиынға сәйкес тиісті қаулылар қабылданды.
"ҚАЗАЛЫ" ақпарат
29 сәуір 2022 ж. 75 0

Жаңалықтар мұрағаты

«    Тамыз 2022    »
ДсСсСрБсЖмСбЖс
1234567
891011121314
15161718192021
22232425262728
293031 
  • Қытайда екі миллиардтан астам вакцина салынды