Қазалыда жасыл белдеу құрылуда

Қазалы ауданында жасыл белдеулер орналастыру жұмыстары қолға алынды, деп хабарлайды аудан әкімдігінің баспасөз қызметі.

Бүгін Әйтеке би кентінің бас қақпасынан бастап темір жол өткеліне дейінгі аралықтағы 2,6 гектар аумаққа ағаш көшеттерін отырғызу басталды.

Жасыл белдеуге сыр талы, үйеңкі , қайың, қаратал сынды 8800 дана тал ағаштары егіліп, күтімге алынатын болады. Екпе талдар диаметрі 32 мм пластикалық трубамен тамшылатып суарылмақ. Сондай-ақ, жекі жағын тормен қоршау жұмыстары жүргізіледі.