Қазіргі таңда елімізде 6 мыңға жуық адвокат бар
Бұл туралы Әділет министрлігі алқасының кеңейтілген отырысында вице-министр Азамат Әмірғалиев хабарлады. Сондай-ақ ол тіркеу және заң қызметтеріне тоқталды. Адвокаттар саны 5700-ді құрайды. Кепілдендірілген заң көмегін 122 мың азамат алды. Сол мақсатта 1 млрд 866 млн теңге бөлінді. Ал тегін заң көмегіне 11 мыңнан астам әлеуметтік осал топ өкілдері қол жеткізді, - деп атап өтті вице-министр.Сонымен қатар ол нотариустардың қызметін тілге тиек етті.
Нотариус жұмысының эксаумақтығы енгізілді. Нотариалды куәландырылған қағаз жеткізгіштегі және электрондық құжаттың бірдейлігі заңдастырылды. Атқарушылық жазбаға шағым түсіру рәсімі жеңілдетілді, - деді Азамат Әмірғалиев.
Еске сала кетейік, бұған дейін ведомство басшысы сот орындаушыларына түскен құжат сомасы 9 трлн теңгеден асып кеткенін айтқан болатын.
#әділет министрлігі #адвокат #Азамат Әмірғалиев
