Қазалы Qazaly.kz ақпараттық агенттігі
» » Елде коронавирусқа қарсы жаңа препараттар дайындалып жатыр

Елде коронавирусқа қарсы жаңа препараттар дайындалып жатыр

Қазақстанда коронавирусқа қарсы тағы да бірнеше препараттар дайындалып жатыр, деп хабарлайды Stan.kz ақпарат агенттігі.

Бұл туралы премьер-министрдің орынбасары Ералы Тоғжанов айтып берді.
Премьер-министрдің орынбасары Ералы Тоғжановтың төрағалығымен еліміздің мемлекеттік органдарының басшылары мен жетекші ғалымдарының қатысуымен биологиялық қауіпсіздік жөніндегі кеңестің отырысы өтті.

Сондай-ақ коронавирусқа қарсы отандық препараттардың "Назарбаев Университеті" АҚ, Жұқпалы препараттарға қарсы ғылыми орталық, Фитохимия холдингі, "ДВ Сокольский отын, катализ және электрохимия институты" АҚ, "Ғылыми-өндірістік Микробиология және вирусология орталығында" дайындалу мәселесі талқыланды.

Қазақстанда бес жаңа вакцина шығару жоспарлануда.
Кеңес отырысының қорытындысы бойынша Тоғжанов эпидемиологиялық сынақтардан қауіпсіздікті қамтамасыз ету саласындағы ғылыми-инновациялық қызметтің тиімділігін арттыру бойынша ұсыныстар әзірлеу үшін жұмыс тобын құруды тапсырды.

Ғылыми-инновациялық жұмыстарды енгізудің кешенді жоспарын әзірлеу, эпидемиологиялық қауіпсіздікті қамтамасыз етуге бағытталған ғылыми-инновациялық жобаларды мақсатты қаржыландыруды қамтамасыз ету және жұқпалы ауруларға арналған дәрілік заттардың жаңа түрлерін әзірлеу бойынша ұсыныстар енгізу мәселелері де көтерілді.

Сондай-ақ биологиялық қауіпсіздік саласындағы отандық ғылыми мекемелердің ғылыми, кадрлық, материалдық-техникалық әлеуетін дамытуға талдау жасап, нақты ұсыныстар енгізу тапсырылды.
03 қыркүйек 2021 ж. 358 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031