Жүрегімнің жылуын сыйлайыншы...
Қазалы қаласындағы Қ.Нұрмаханов атындағы №95 орта мектеп жанынан құрылған «Еркетай» шағын орталығында тәрбиешілер Гүлназ Дүкенбаева мен Қалдыгүл Садрадинованың ұйымдастыруымен «Жүрегімнің жылуын сыйлайыншы анама» тақырыбында кеш өтті.Шара «Қарлығаш» тобының бүлдіршіндерінің орындауындағы «Көктем» биімен басталды. Шаңыраққа шаттық нұрын шашып, бар баланы мейіріміне бөлейтін аяулы аналардың құрметіне «Жауқазын» тобының тәрбиеленушілері «Ақ әжем» әнін айтып, «Гүлдер» биін биледі. Балдырғандар аналарына деген ақ тілектерін тақпақ арқылы жеткізді. Ертеңгілікте ата-аналар балалармен бірге ән салып, би биледі.
Ұстаз Деменбай Әмірашұлы, ардагер-ұстаз Айнагүл Сансызбаева тәрбиешілерге алғысын білдірді.
Гүлназ КЕҢСЕБАЙҚЫЗЫ
