Отбасылардың озық сайысы

Рухани жаңғыру аясында Әйтеке би кентіндегі Ж.Жабаев атындағы №234 орта мектеп жанынан ашылған «Таңшолпан» шағын орталығында «Толағай» отбасылық спорттық сайыс болды. Дүбірлі доданы мектеп директоры Марат Құдайберген сөз сөйлеп, ашып, қатысушыларға жылы лебізін білдірді. Сайыс алты кезең бойынша өтті.

Эмблемаларын жасап, спорттық форма киінген «Тұлпар», «Барыс», «Жүйрік», «Жасқыран» топтары бәсекені қыздарып, жанкүйерлер делебесін қоздырды.

Онда суырылып алға шыққан «Жүйрік» тобы бас жүлдені жеңіп алды. Бірінші орынды «Барыс», екінші орынды «Тұлпар», үшінші орынды «Жасқыран» тобының мүшелері өзара бөлісті.

Тапқырлығы мен ептілігі арқылы көзге түскен бірқатар бүлдіршіндер мен ата-аналарға сыйлықтар мен «Алғыс хаттар» тапсырылды.

тәрбиеші.