Энергетика министрлігінің мәліметінше, 22 маусымда Ядролық физика институты қалқанша без ауруларын емдеу үшін натрий йодид (131I) радиофармпрепаратының бірінші өнеркәсіптік партиясын жасаған. Ол Денсаулық сақтау министрлігінде «натрий иодиді 131I, ішуге арналған ерітінді» атауымен дәрілік зат ретінде тіркелді. «24 маусымда препарат Семейдегі Ядролық медицина және онкология орталығының науқастарына жеткізілді. Зерттеу барысында ағзаның патологиялық ошағында натрий йодиді (131I) радиофармпрепараты қоршаған тіндерді сақтай отырып, обыр клеткаларын жойды»,– деп жазылған хабарламада.