Қазалы Qazaly.kz ақпараттық агенттігі
» » Қазақстанда 64% автокөліктің пайдалану мерзімі он жылдан асқан

Қазақстанда 64% автокөліктің пайдалану мерзімі он жылдан асқан

Елімізде тіркелген 3,9 млн автомобильдің 64 пайызында пайдалану мерзімі 10 жылдан асқан. Бұл туралы ҚР Экология, геология және табиғи ресурстар министрі Мағзұм Мырзағалиев айтып берді, деп хабарлайды ҚазАқпарат.

«Қазіргі уақытта автокөлік атмосфералық ауаны ластаудың негізгі көздерінің бірі болып отыр. Оның себептерінің бірі – автокөлік құралдарының тозуы. Тіркелген 3,9 млн автомобильдің ішінде пайдалану мерзімі 10 жылдан асқан 2,5 млн көлік бар. Яғни 64% құрайды», - деді Мағзұм Мырзағалиев бүгінгі Үкімет отырысында. Министрдің айтуынша, өткен жылдың соңында «Техникалық реттеу туралы» Заңы қабылданып, жанар-жағармай құю бекеттеріндегі отынның сапасын К4 және К5 экологиялық сыныптарына сәйкестігіне бақылау күшейтілді. «Осыған байланысты, Сауда және интеграция министрлігіне жанар-жағармай құю бекеттеріндегі отынның сапасын бақылауды жүзеге асыру қажет деп санаймыз. Бұдан басқа, техникалық байқау станциялары мен автокөлік иелерінің жауапкершілігін күшейту өте маңызды. Өз кезегінде әкімдіктер автопарктерді жаңарту жұмыстарын жалғастыруы қажет», - деді М. Мырзағалиев.


15 маусым 2021 ж. 343 0

19 наурыз – Жаңару күні

19 наурыз 2024 ж. 41

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031