Қай өңірдің тұрғындары карантин талабын жиі бұзады
Қазақстанда азаматтар мен кәсіпкерлік субъектілерінің карантин шараларын сақтауына жүргізілетін мониторинг жалғасып жатыр, деп хабарлайды ҚазАқпарат.Санитарлық-эпидемиологиялық бақылау комитетінің мәліметіне сенсек, 1 қаңтар мен 10 мамыр аралығында жұмысшы топ 80 352 рейд жүргізген. Ел аумағында 500 646 нысан тексерумен қамтылды. Нәтижесінде 14 475 (2,8%) заңбұзушылық анықталды. Карантин талабын бұзу фактілерінің басым көпшілігі мына өңірлерде тіркелді: ШҚО (3 646), Түркістан (2 230), Алматы (2 036), Шымкент (1 609) және Алматы облысы (962).
Мониторинг барысында анықталатын негізгі бұзушылықтар: карантин кезеңінде қызметіне тыйым салынған объектілердің жұмыс жасауы, шектеу режимін сақтамау, шамадан тыс адам жинай отырып, бұқаралық іс-шаралар өткізу.
Аталған мерзімде 268 материал сотқа жолданды. Сот шешімімен 70 нысанның жұмысы тоқтатылды. 8 271 кәсіпкерлік нысан мен 6 425 жеке тұлғаға әкімшілік хаттама толтырылып, 1,155 млрд теңгеден астам айыппұл салынды.
