Биыл 1 қаңтар мен 10 мамыр аралығында Қазақстандағы азаматтар мен кәсіпкерлік субъектілердің карантин шараларын сақтауын бақылайтын мониторинг тобы 80 352 рейд жүргізіліп, 500 646 нысанды тексерген. Нәтижесінде 14 475 (2,8%) бұзушылық анықталды. Карантин талаптарын бұзу жиі тіркелген өңірлер: ШҚО (3 646), Түркістан(2 230), Алматы (2 036), Шымкент (1 609) және Алматы облысы (962). Орындалмайтын талаптардың дені: карантин кезеңінде қызметіне тыйым салынған объектілердің жұмыс жасауы, шектеу режимін сақтамау, шамадан тыс адам жинай отырып, бұқаралық іс-шаралар өткізу. Төрт айдан аса уақыт ішінде 268 материал сотқа жолданды. Сот шешімімен 70 нысанның қызметі тоқтатылды. 8 271 кәсіпкерлік нысан мен 6 425 жеке тұлғаға әкімшілік хаттама толтырылып, 1,155 млрд теңгеден астам айыппұл салынды.