Нотариустармен дауларды сотқа дейінгі реттеу жайы талқыланды

Қазалы аудандық соты «Нотариустар арқылы медиация тәртібімен бітімгерлік рәсімдерді жүргізу және олармен атқарушы жазбаларды жасау» тақырыбында дөңгелек үстел өткізді.

Аталған іс-шараға Қазалы аудандық сотының төрағасы Д.Мұратбекұлы, Қазалы ауданының нотариустары Қ.Есекей, М.Айманов, Б.Нұрманов, Н.Есекеев қатысты.

Дөңгелек үстел барысында қатысушылары бітімгершілік рәсімдерінің ерекшеліктері мен атқарушылық жазбалардың пайдасын талқылады.

Төраға Д.Мұратбекұлы нотариустар атқарушы жазбалардың жасау туралы түсіндіру жұмыстарын жүргізу қажеттілігін, коммуналдық қызметтер көрсету жүзеге асыратын ұйымдар үшін оның артықшылықтарын атап өтті. Сондай-ақ нотариаттық іс-әрекеттің бұл түрі сотқа түсетін арыздардың санын, тиісті берешектерді өндіріп алу уақытын және жеке тұлғалардың ақшалай шығындарын азайтатынын жеткізді.

Дөңгелек үстел соңында қатысушылар өз пікірлерін айтып, нотариуспен жасалатын атқарушылық жазба институтын қолдануды кеңейту бойынша өзара пікір алмасты.