Қазалы ауданында медиаторлармен семинар өтті

Әйтеке би кенті әкімдігінің мәжіліс залында Қазалы аудандық сотының ұйымдастыруымен Қазақстан Республикасының «Медиация туралы» Заңының қолданылу аясын кеңейту мақсатында семинар өткізілді.

Семинарға аудандық соттың төрағасы Д.Мұратбекұлы, Әйтеке би кентінің әкімі Ә.Әбиев, аудан прокуроры Б.Мырзабаев, аудандық сот судьялары мен кәсіпқой емес медиаторлар қатысты.

Іс-шараны ашқан сот төрағасы Д.Мұратбекұлы «Медиация туралы» заңның тиімді, пайдалы жақтарына тоқталып, медиацияның артықшылығы тараптардың бірігіп шешім қабылдауымен құнды екенін, медиация туралы келісімге сәйкес тоқтатылған істердің саны жөнінде айтып өтті. Содан соң сот төрағасы қылмыстық істер мен азаматтық құқық қатынастарынан туындайтын дауларда медиацияны қолдануға қатысты кәсіпқой емес емес медиаторлардың сұрақтарына жауап берді.

Семинар соңында қатысушылар медиация рәсімін іс жүзінде жүзеге асыру барысында туындайтын мәселелер бойынша өзара пікір алмасты.