Аудандық ауылшаруашылығы бөлімімен бірлескен мониторинг жұмысы базар және кіші маркеттер мен көтерме сауда орындарында жүргізілді.

Бағаны бақылау барысында "Арзан" супермаркетінде кейбір әлеуметтік тауарлардың шекті бағадан тым қымбат екені анықталды. Осы уақытқа дейінде жүргізілген мониторинг жұмыстарында аталған сауда орнына ескерту берілген болатын. Алайда, бағалар бәз қалпында. Ал, өзге сауда орындарында баға тұрақты екені анықталды. Халық көп шоғырланған сауда орындарында зат алушы тұрғындармен де тілдесу жүргізіліп, олардың да пікірлері тыңдалды.

Аталған мониторинг жұмысы бойынша аудандық партия филиалы жанындағы партиялық бақылау тобы тиісті орындар арқылы тиісінше жұмыстар жүргізетін болады.