Төсбелгіні аудан әкімі Мұрат Ергешбаев арнайы өзі табыстап, Отан алдындағы борыштарын және берілген тапсырманы бұлжытпай орындағандары үшін алғысын білдірді.

– Өздеріңізге белгілі, ағымдағы жылдың наурыз-мамыр айларында Қазақстан Республикасының Президенті Қасым-Жомарт Тоқаевтың Жарлығымен елімізде төтенше жағдай жарияланды. Сол уақытта арнайы жиынға шақырылған азаматтар Отан алдындағы борыштарын және Президенттің Жарлығын бұлжытпай, берілген тапсырманы абыроймен орындап шықты. Сіздерге алғысымыз шексіз. Бүгін міне осы еңбектеріңіз еленіп, төтенше жағдай кезінде міндеттерін адал орындағаны үшін Сіздерге арнайы медаль келіп отыр, – деген аудан басшысы Мұрат Нәлхожаұлы салтанатты шараға арнайы қатысқан Қызылорда облысы бойынша аумақтық қорғаныс бригадасының бастығы, полковник Керімбай Ойықбаевпен бірге бір топ азаматқа қорғаныс министрлігінің төсбелгісін табыс етті.

"ҚАЗАЛЫ" ақпарат