Әлемдегі ең кәрі әйел қайтыс болды
Тәжікстанда өмірінің 127-ші жылы елдің ең егде жастағы әйелі Фотима Мирзокулова қайтыс болды.
Фотима Мирзокулова екі рет тұрмыста болып, дүниеге сегіз бала әкелді. Қарт әйелдің 200-ден астам немере, шөбере және шөпшегі бар.
Ол үш ғасырда және үш мемлекетте - Бұхара әмірлігі, КСРО және тәуелсіз Тәжікстанда өмір сүрді.
Бұқаралық ақпарат құралдарының хабарлауынша, егер Фотима Мирзокулованың төлқұжатындағы туған күні дұрыс болса, ол дүниежүзіндегі ең қарт әйел болған екен. Алайда оның жасын растайтын басқа құжаттар келтірілмеген.
