Ортақ мүлікті бөлу туралы дау медиация тәртібімен шешілді
Қазалы аудандық сотында талап қоюшы Ж.-ның жауапкер Т.-ға ортақ мүлікті бөлу туралы азаматтық ісі қаралды.Сотта, тараптар арасындағы некенің бұзылғаны, осы некеден олардың кәмелетке толмаған 2 баласы бар екендігі анықталды. Некеде тұрған кезеңiнде тараптардың тұрғын үй сатып алғаны анықталған.
Талап қоюшы Ж. бірге тұрған кезде сатып алынған ортақ мүлік – тұрғын үйді бөлуді және өзіне 1/3 бөлігін, яғни 1 125 000 тенге көлемінде бөлуді және тұрмыстық техникаларды бөлуді сұраған.
Сотта тараптармен кәсіби медиатормен бекітілген, дауды реттеу жөніндегі медиативтік келісім ұсынылды.
Сот ұйғарымымен дауды медиация тәртібімен реттеу туралы тараптар арасында жасалған келісім бекітіліп, азаматтық іс өндірістен тоқтатылып, 12 525 теңге көлемінде төленген мемлекеттік баж алымы талап қоюшыға қайтарылды.
Сот ұйғарымы заңды күшіне енбеген.
Қазалы аудандық сотының баспасөз қызметі
