Неке медиация тәртібімен сақталды

Қазалы аудандық сотында талап қоюшы Ж.-ның жауапкер Ж.-ға қойған неке бұзу туралы азаматтық ісі қаралды.

Талап қоюшы Ж. өзінің талап арызында талапкер жауапкермен 2016 жылы некеге тұрып, ортақ некеден бір бала тәрбиелеп отырғанын, алайда ортақ түсіністіктің болмауынан некесі жараспағанын көрсеткен. Ортақ шаруашылықтың жүргізілмейтінін, ортақ мүлікті бөлу, және балаларды тәрбиелеу туралы даудың жоқтығын ескеріп, некені бұзуды сұраған.

ҚР АПК-нің 165-бабының 5-тармақшасына сай, тараптарға пилоттық жобаны іске асыру мақсатында азаматтық істі медиация тәртібімен реттеу туралы келісім жасау арқылы аяқтау құқығы түсіндіріліп, хабарлама жолданған.

Сот отырысы барысында, тараптар жанжалды медиация тәртібімен реттеу туралы жазбаша өтініш түсірген.

Сот ұйғарымымен азаматтық іс бойынша медиация тәртібімен реттелген татуласу келісімі бекітіліп, іс жүргізу тоқтатылды, сондай-ақ, бюджетке төленген мемлекеттік баж талап қоюшыға қайтарылды.

Ұйғарым заңды күшіне енбеген.