Арайлым мен Гүлсая Азия чемпионатының күміс жүлдегері
Моңғолияда өткен бокстан жастар арасындағы Азия чемпионаты өз мәресіне жетті. Қазақ елінің былғары қолғап шеберлері өздерінің мықты екенін дәлелдеп, жалпыкомандалық есепте бірінші орынға ие болды.Азияның аламанына қазалылық боксшылар да қатысып, көңіл қуантарлық нәтижеге қол жеткізді. Шаршы алаңда 81 мен 81 келіден жоғары салмақта бокстасқан Арайлым Бақытжан мен Гүлсая Ержан Азия чемпионатының күміс жүлдегері атанды.
Айта кетейік, Азия чемпионатында жерлесіміз, бокстан жастар арасындағы Қазақстан Республикасының 3 дүркін чемпионы Гүлсая жартылай финалдық сында жергілікті моңғолиялық боксшыдан айласын асырса, Арайлым тайпейлік қарсыласын ұтып, финалға жолдама алған болатын.
Қазалы ауданы әкімінің баспасөз қызметі
