Осы орайды, ҚМДБ-ның Қызылорда облысы бойынша өкілдігінің ұйымдастыруымен «Жүрек жылуы» қайырымдылық акциясы өтті. Акцияны өткізудегі негізгі мақсат – мешіт жамағатының ауызбіршілігін арттыру, мұсылмандар арасында бір-біріне сүйіспеншілікті арттыру және тұрғындарға көмек қолын созу болды.

Аталмыш акция барысында 50-ден астам жеңіл автокөлік, 1 «Газель» көлігі, 2 жоғары сыйымдылықтағы автобус тегін қызмет көрсетті.

Аязды күндері қоғамдық көлікті ұзағынан күтіп қалған тұрғындар, күннің суығында жеке тірлігін бітіруші қарт кісілер, мектеп оқушылары жалпы саны 3 мыңнан аса тұрғынға көмек көрсетілді.

Бұл қайырымдылық шарасына барлық қалалық мешіттер ұжымы, мешіт жамағаттары белсенді атсалысты.

Мешіт жамағаттарынан құралған 30 ерікті жас аялдамаларда тұрған тұрғындарды бағыты бойынша қаржысын төлеп, таксилерге отырғызды.

Қала тұрғындары өз кезегінде мешіттер ұжымына зор алғыстарын жеткізді.