Қазалыда қайырымдылық акциясы жалғасуда
Бұған дейін 82 жастағы жалғызбасты ана Айкин Еламанова аудан әкіміне өз жағдайын айтып, көмек көрсетуді сұраған болатын. Акция аясында кентте газ желісін қосумен айналысатын «Газреммонтаж» және «ҚазалыГазСтрой» ЖШС-тері еңбек ардагерінің үйіне тегін жылу жүйесін жүргізіп, көгілдір отынға қосып берді.
Айта кетейік, аталған серіктестік директорлары А.Шауенов пен Қ.Алдашов осыған дейін де көмекке мұқтаж бір отбасыға дәл осындай көмек көрсеткен болатын. Алда да бірнеше тұрғын үйге газ желісін тегін кіргізіп беруді жоспарлап отыр.
"ҚАЗАЛЫ" ақпарат.
