Осылайша, Brent мұнайы баррелінің бағасы 9 наурыздан бері алғаш рет 125 доллардан асты, деп хабарлайды Turan. Осы арада Нью-Йорк тауар биржасында шілдеде жеткізілетін WTI маркалы мұнай фьючерстерінің бағасы барреліне 2,1%-ға өсіп, 123,45 долларды құрады. Мұнай бағасы әлемдік нарықтағы тапшылық қаупінен көтерілді. Ливияда саяси дағдарыс жағдайында мұнай экспортының күрт төмендеуі нарық қатысушыларын үрейге түсірді. Елдегі толқулар салдарынан Ливиядағы мұнай өндірісінің деңгейі 90% төмендеген. Ливияның тәулігіне 1,2 миллион баррель өндірісінен небәрі 0,1 миллионы ғана қалды. Бұған дейін мамырда ОПЕК елдері мұнай өндіруді тәулігіне 176 мың баррельге азайтып, ұйымның ай сайынғы есебіне сәйкес 28,5 миллион баррельге дейін төмендеткені хабарланған. Мамырда мұнай өндіруді шектеу туралы ОПЕК+ келісіміне қатысушы ОПЕК елдері келісімді 196%-ға орындады. Осылайша, мамыр айында тәулігіне 25,59 млн баррель өндіріп, рұқсат етілген өндіру деңгейінен 1,05 млн баррельге артта қалды.