Қытайдың Чжэцзян провинциясында туған баласын сатқан ана ұсталды. Бұл туралы Lenta.ru сайтына сілтеме жасаған sn.kz хабарлады. Аталмыш сауда келісімі 2018 жылдың қыркүйек айында болған. Әйелдің сөзінше, ол мұндай қылмысқа өтелмеген қарыздары және ақшасының жоқтығынан барыпты. Сәбидің әкесі олардан бас тартқан, ал әлгі әйелдің ата-анасы болса балалар некесіз дүниеге келгендіктен, көмектескісі келмеген.

Әйел егіз ұлын сатып, 65 мың юань көлемінде ақша алған. Дәл сол кезде сатылған балалардың әкесі қайта хабарласып, қарыздарынан құтылу үшін ақшаның жартысын бөлісуге үгіттеген. Одан қалған ақшаға әйел жаңа телефон алып, несиесін төлеген.

Полиция қызметкерлері болған оқиғаны мұнан өзге тергеу жұмыстары кезінде анықтаған. Олар сатылған баланың әкесін де, шешесін де тұтқындаған. Ал егіздерді Аньхо провинциясынан тауып, әйелдің ата-анасының тәрбиесіне беріпті.

2018 жылы танымал гонгонгтық актер Джордан Чань өзінің бауырын көп жылдар бұрын ата-анасы ақшаға сатқанын мәлімдеген болатын. Атақты актер бауырын іздеп табуға тырысқан, алайда онысынан еш нәтиже шықпапты.