Қазалы Qazaly.kz ақпараттық агенттігі
» » » Көркем сөздің хас шебері

Көркем сөздің хас шебері

«Руханият шырақшылары». Ел арасында кітапханашылар қауымын осылай деп атайтынына құлағымыз үйренді. Ал халықтан асқан сыншы жоқтығын мойындауға тура келеді. Қандай шара да кітапханашылардың белсенділік танытатыны жалған емес.Тақырыпқа сай көрме жасап, өзге де жұмыстарды  атқарып дегендей әйтеуір, дамыл таппайды. Қайтсе де қолға алған шаруасы оқырман көңілінен табылуына бар білімін, ұйымдастырушылық қабілетін жұмсайтыны айдан анық. Бұл жолыда солай өрбіді.
Аудандық орталық кітапхананың оқу залында өткен көрнекті әдебиет сыншысы, аудармашы, драматург Қалжан Нұрмахановтың 90 жылдығына арналған  «Көркем сөздің хас шебері» атты танымдық- тағылымдық  конференцияға оқырмандар көп жиналды. Шара барасында ұйымдастырылған тақырыпқа сай виртуалды және дәстүрлі кітап көрмесінің оқырмандардың ерекше қызығушылығын туындатқанын атап кеткен жөн.  Сондай-ақ сыншы, аудармашы, драматург Қ.Нұрмахановтың өмірі мен шығармашылығына арналған  арнайы бейне көрсетілім  оқырман назарына ұсынылды.
 Қалжан Нұрмахановтың өмірі мен өнердегі ғұмырын - әдеттегі ғұмырдан өзгеше қалыптастырған, шынайы талант иесінің асқақ мұрасын ортақ игілігімізге айналдыру, шығармаларының қалыптасу деңгейінің жоғарылығын тәрбиеленген ортасына,  алған тәліміне байланысты екендігін таныту, әдебиет сүйер  оқырманға қаламгер шығармашылығының идеялық мазмұнын қалыптастыруды мұраттаған тағлымды кеш басты мақсатына жеткенін шараға қатысушылардың пікіәрінен аңғардық. Осынау мағыналы жиында  аудан әкімінің аппарат басшысы Асанжан Ешнияз, аудан әкімінің кеңесшісі Берік Бисембаев,  мәдениет және тілдерді дамыту бөлімінің басшысы Айгүл Лайық, №95 Қ.Нұрмаханов атындағы орта мектептің  тәрбие ісінің меңгерушісі Көпенов Жаңабек өзге де ел ағалары қатысып, өзара пікір алмасты. Оқырмандар сауалдарына жан-жақты жауап беріп, қатысушыларға мол мәліметтер ұсынды. 
Танымдық конференцияда Қазалы аграрлы-техникалық колледжінің тарих пәнінің оқытушысы Шыраева Жанар сыншы,аудармашы,драматург Қалжан Нұрмахановтың  шығармашылығы жайында баяндама, №95 Қ.Нұрмаханов атындағы орта мектептің 11 сынып оқушысы Байкенже Нұргүл қаламгер жайындағы дайындаған жобасын,  орталық кітапхананың кітапханашысы Жанар Сейтәлиева «Сыншы күнделігінен» деректі эссесін, мектеп оқушылары мен Қазалы аграрлы-техникалық колледжінің  студенттері Иманәлиев Аян, Кәренов Сүйеніш арнау өлеңдерін оқыды. Жиын соңында аудандық орталық кітапхананың директоры Индира Назарова шараға қатысқан барша оқырмандарға жылы лебізін білдіріп, белсенділік танытқан жастарды алғыс хатпен марапаттап, сый құрмет көрсетті.
Жұмабек ТАБЫНБАЕВ.
11 желтоқсан 2017 ж. 2 657 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031