Шәкірттерім – республикалық оқушылар байқауының жеңімпаздары
«IQ» – Интеллектуалды білім порталы қаңтар айында республикалық оқушылар байқауын жариялаған болатын. Байқауға еліміздің барлық өңірлерінен мектепалды даярлық, 1-11 сынып оқушылары мен колледж студенттері қатысты.Оқушылардың шығармашылық қабілетін шыңдау мен ғылыми ізденіске құлшынысын арттыру мақсатындағы байқауға өзім білім беретін М.Горький атындағы №16 мектеп-лицейден 166 оқушының жұмыстарын жібердім.
Оқушыларым шығарма, өлең жазу, мәнерлеп оқу, сурет салу, ертегі құрастыру бойынша тапсырмалардың барлығын үздік орындап, білім порталының арнайы дипломдарымен марапатталды. Байқау қорытындысымен ұйымдастыру жұмыстары үшін өзім де «Нетбук»сыйлығының иегері атандым.
Байқауға белсене қатысқан оқушыларым мен қолдау көрсеткен сынып жетекшілеріне алғысымды білдіремін.
Ғалия НҰРСЕЙІТОВА,
М.Горький атындағы №16 мектеп-лицейдің
қосымша білім беру педагогы.
Қазалы қаласы.
