Қашақбай Пірімов атындағы №103 мектептің бастауыш сынып мұғалімі Гүлжамила Рзақұлова республикалық «Үздік ұстаз» байқауының жеңімпазы атанды. Жеңімпаздар «Үздік ұстаз» деп жазылған төсбелгі, куәлікпен, сертификатпен және олардың аналитикалық есептері жазылған жинағымен марапатталды.

Шығармашыл мұғалім Қазақстан Педагогикалық Ғылымдар Академиясы өткізген кезекті V Республикалық тәуелсіз қоғамдық «Үздік ұстаз» байқауында топ жарды. Білім додасына Астана, Алматы қалалары мен еліміздегі барлық облыстың мектеп, лицей және колледж мұғалімдері қатысты.

Гүлжамила Ұзаққызы бүгінгі таңда Қарашеңгел бастауыш мектебінде еңбек етуде. Бұл жерде шағын жинақталған 1-4 сынып аралығы бала санының аздығына байланысты біріктіріліп оқытылады. Отбасында жолдасы Бертағы Матаев екеуі 4 бала тәрбиелеп өсіруде.