Биыл Сыр елінде 3000-нан астам іс-шара өтеді
Өткен жылы «Рухани жаңғыру» бағдарламасы аясында 283 жоба енгізіліп, 2000-нан астам іс-шара ұйымдастырылды. Жеке компаниялар, демеуші азаматтар мен меценаттар есебінен қаржы тартылған.
Бұл жөнінде облыс әкімінің орынбасары Наурызбай Байқадамов Өңірлік коммуникациялар қызметінің ақпарат алаңындағы баспасөз конференциясында мәлімдеді.
– "Рухани Жаңғыру» бағдарламасын іске асыру жөніндегі 2020 жылға арналған кешенді іс-шаралар жоспарына бағдарламаның және қоғамдық сананы жаңғыртудың басым бағыттарын қамтыған түрлі форматтағы 204 шара енгізілді", – деді Наурызбай Сейтқалиұлы.
Сонымен бірге, Сыр өңірінде дүниеге келген әдеби, мәдени және тарихи мұраларды жаңаша көзқараста қайта зерделеу, поэзия, жыр-мұра, «Қорқыт атаның даналық сөздері» кітабы мен «Ізденіс» жасыл академиясының жастарды бау-бақша өнімдерін өсіру арқылы еңбекке баулу жобалары қамтылды.
"ҚАЗАЛЫ" ақпарат