Мадияр бағындырған белес
Роза мен Мәдинадай жезтаңдай әншілер туған топырақтан тума талантты өрендердің шығуы заңды құбылыс.Қазіргі таңда жалғыз республика емес, халықаралық, әлемдік деңгейдегі додаларда топ жарып жүрген таланттардың ішінде Жанқожа батыр ауылының тумасы Мадияр Серіктің жұлдызы жоғары, бәсі биік.
Жуырда Мадияр «БАЛА ДАУЫСЫ – 2021» республикалық телевизиялық конкурсында жүлделі ІІІ орынды жеңіп алды.
Талантты жас әншінің өнерде шыңдалуыда жетекшісі, №94 мектеп мұғалімі Зағира Исалданың үлесі зор.
Сыр елі мәдениеттің ордасы, өнердің мекені екенін мақсаты биік Мадияр секілді жастар әрі қарай да дәлелдеп, қалыптасқан ізді жалғап келе жатқаны қуантарлық. Мақсаты биік жас таланттың алар асу әлі алда.
Серік АҚМЫРЗА
