Талантты өрен топ жарды

 

   Жуырда Жанқожа батыр ауылы №94 мектептің оқушысы, жас әнші Мадияр Серік Болгарияда өткен «Star of the world» атты халықаралық байқауына қатысып, Гран-При мен үш алтын медаль иеленіп келді.
    Осыған орай Қазалы ауданы әкімдігінде аудан әкімі Мұрат Ергешбаев талантты өренді қабылдады.
   Кездесуде Мадияр Тұрарұлы Еуропа төріндегі елден алған әсерімен бөлісіп, байрақты бәсекеде әйгілі әнші Филипп Киркоровтың әкесі Бедрос Киркоров бастаған қазылар алқасы орнынан тұрып құрмет көрсеткен қуанышпен жеткізді.
Өз кезегінде аудан әкімі М.Нәлхожаұлы халықаралық деңгейде қасиетті Қазалының атын шығарған талантты баланы үлкен жеңісімен құттықтап, сый-сияпат табыс етті.
   Мұнан соң Мадиярдың әжесі Дәмегүл Сәрсенбай немересіне қолдау көрсеткен аудан басшысына алғысын айтып, ақ батасын берді.
   – Шәкіртінің кез келген бағындырған белесі ұстазы үшін үлкен мәртебе екені рас. Жалғыз ауданның емес, республикатының атын шығарып, оқушымының алтыннан алқа тағып жатқаны мен үшін де үлкен мәртебе. Жаңа оқу жылы басында мектебімізде мұндай ақжолтай жаңалық болып жатқаны жақсылыққа жоримыз балаймыз. Мадиярдың алдағы уақытта да талай шыңдардың бағындырарына сенімім кәміл, – дейді ән байқауына дайындаған жетекшісі Зағира Исалда.
«ҚАЗАЛЫ» ақпарат