Кітапхана – рухани қазына ордасы
Жақында Ә. Тәжібаев атындағы Қызылорда облыстық әмбебап ғылыми кітапханасының директоры Нұрлыбек Мыңжас Кәрібозұлы тамыры терең, тарихы кенен Қазалы ауданына іссапармен келіп аудандағы кітапханалардың жай-күйімен танысты.Нұрлыбек Мыңжасұлы Қазалы қаласындағы кітапханада жақында ғана ашылған заманауи үлгіде жабдықталған «Сoworking» орталығында болды. Мұнан соң кітапхана қызметкері Жанар Сейталиева академик А.С.Бергтің бірнеше ғылыми кітаптары мен П.П.Семёнов-Тянъ-Шанскийдің мұнда табан тірегенде жеке кітапханасынан 200 кітапты қолтаңбасымен сыйға тартқан, кітапхананың алтын қорын, сонымен қатар Қазақстан жастарының жалынды жетекшісі Ғани Мұратбаев оқыған №16 мектептің тарихы туралы айтып беріп, жерлесіміз жайлы жазылған шығармалармен таныстырды.
"ҚАЗАЛЫ" ақпарат
