Қазақстандықтарды ұзақ демалыс күтіп тұр

Фото: depositphotos.com/ alpinrage

Астана күні жыл сайын 6 шілдеде атап өтіледі. Бұл - мемлекеттік мереке және ресми демалыс күні. 2026 жылы 6 шілде дүйсенбіге дөп келеді, сондықтан демалыс күндерін ауыстырудың қажеті жоқ - мереке күні әдеттегі демалыс күндерінің жалғасы болады.

Аптасына бес күн жұмыс істейтіндерге арналған кесте

4 шілде (сенбі) - демалыс;

5 шілде (жексенбі) - демалыс;

6 шілде (дүйсенбі) - мерекелік демалыс.

Жұмысқа сейсенбі, 7 шілдеде шығу керек болады.

Аптасына алты күн жұмыс істейтіндерге арналған кесте

4 шілде (сенбі) - жұмыс күні;

5 шілде (жексенбі) - демалыс;

6 шілде (дүйсенбі) - мерекелік демалыс.

Осылайша, демалыс қатарынан екі күнге созылады.

Фото: depositphotos.com. Иллюстрация: Tengrinews.kz / Жандарбек Манарбеков

2026 жылдың шілдесінде 31 күнтізбелік күн бар. Бес күндік жұмыс аптасында: 22 жұмыс күні; Астана күнін есептегенде 9 демалыс күні. Алты күндік жұмыс аптасында: 26 жұмыс күні; 5 демалыс күні бар.
Шілдеде тағы қандай айтулы күндер бар?

Астана күнінен бөлек, Қазақстанда шілде айы кәсіби және атаулы күндерге толы:

2 шілде - Дипломатиялық қызмет күні;

Шілденің бірінші жексенбісі (5 шілде) - Ұлттық домбыра күні және Теңіз және өзен көлігі қызметкерлері күні;

7 шілде - Қазақстан қолөнершілерінің күні;

9 шілде - Су шаруашылығы қызметкерлері күні, сондай-ақ Табиғи монополиялар саласы қызметкерлерінің күні;

10 шілде - Ветеринариялық қызметкер күні;

13 шілде - ҚР Ұлттық қауіпсіздік органдары күні;

Шілденің екінші жексенбісі (12 шілде) - Балық шаруашылығы қызметкерлері күні;

14 шілде - Нотариат күні;

Шілденің үшінші жексенбісі (19 шілде) - Металлургтер күні;

Шілденің төртінші жексенбісі (26 шілде) - Сауда қызметкерлері күні.

Ұзақ демалысты қалай өткізуге болады?

Дәстүр бойынша 6 шілдеге орай Қазақстанның көптеген қаласында мерекелік іс-шаралар өтеді. Негізгі бағдарлама әдетте Астанада ұйымдастырылады: ашық аспан астындағы концерттер, фестивальдер, көрмелер, спорттық жарыстар мен жәрмеңкелер.