Демалыста 30 градусқа дейін күн жылиды
pixabay.comСиноптиктер демалыс күндері ауа райы қандай болатынын айтты, деп хабарлайды Ulysmedia.kz.
Қазақстан аумағының басым бөлігінде жауын-шашынсыз, нағыз жылы көктемгі ауа райы болады. Тек батыс өңірлерде және оңтүстік облыстардың таулы аймақтарында кейбір күндері атмосфералық фронттардың өтуіне байланысты найзағаймен бірге жаңбыр жаууы мүмкін. Республика бойынша желдің күшеюі болжанады, оңтүстікте шаңды дауыл болуы ықтимал. Түнгі және таңғы уақытта солтүстік, шығыс және орталық өңірлерде тұман түсуі күтіледі.
ТЕМПЕРАТУРА
Күндізгі ауа температурасы:
- батыста +18…+27°С дейін,
- солтүстікте +10…+17°С дейін,
- орталықта +15…+25°С дейін,
- шығыста +12…+20°С дейін,
- оңтүстікте +23…+30°С дейін жылынады,
ал оңтүстік-батыста температура сәл төмендеп, +13…+20°С шамасында болады.
