Алдын алу – басты міндет
Мереке күндері отбасы-тұрмыстық зорлық-зомбылықтың алдын алу мақсатында Қармақшы ауданының полиция бөлімінің қоғамдық қауіпсіздік бөлімшесінің отбасылық-тұрмыстық зорлық-зомбылыққа қарсы күрес тобының инспекторы учаскелік полиция инспекторымен бірлесіп, профилактикалық іс-шаралар жүргізді.Іс-шара барысында есепте тұрған тұлғалардың мекенжайлары бойынша аралау жұмыстары ұйымдастырылып, олармен жеке профилактикалық әңгімелер өткізілді. Құқық бұзушылықтардың салдары, заң талаптары мен жауапкершілік шаралары түсіндіріліп, тұрмыстық жанжалдардың алдын алу, отбасындағы өзара сыйластық пен жауапкершілікті арттыру мәселелеріне ерекше назар аударылды.
Аталған профилактикалық жұмыстардың негізгі мақсаты – мереке күндері қоғамдық тәртіпті сақтау, азаматтардың қауіпсіздігін қамтамасыз ету және отбасы құндылықтарын нығайту болып табылады. Отбасындағы тыныштық – қоғам қауіпсіздігінің кепілі.
