«Тұрмыс» тұрмыстық түйіткілдер шешіміне түрткі
Отбасы-тұрмыстық қарым қатынастар саласында жасалған қылмыстарды алдын алу, болдырмау мақсатында аудан көлемінде ағымдағы жылдың 20-29 қаңтар аралығында «Тұрмыс» жедел-профилактикалық іс-шарасы өткізілуде.«Тұрмыстық зорлық-зомбылықтың алдын алу туралы» және «Құқық бұзушылық профилактикасы туралы» Заңдарының талаптарын орындау мақсатын көздеген шара нәтижелілігін көрсетті. Отбасы тұрмыстық қарым-қатынастар саласындағы құқық бұзушылықтар мен қылмыстарды ескерту және алдын алу, қылмыс пен құқық бұзушылыққа бейім тұлғаларға қатысты қорғау нұсқамасын шығару, ерекше талап белгілеу, профилактикалық есепте тұратын адамдармен профилактикалық жұмыстарды ұйымдастыру, сондай-ақ, ақпараттық-насихаттау назарға алынды.
Іс-шара барысында отбасы тұрмыстық қатынастар аясында құқық бұзушылық жасап, профилактикалық есепке алынған тұлғаларды тұрғылықты мекен-жайы бойынша тексеру, өмірлік қиын жағдайға қалған адамдармен кездесулер өткізу жұмыстары жүргізілуде.
Сәуле БИШЕКОВА,
Қазалы ауданы полиция бөлімі
Жергілікті полиция қызметі бөлімшесінің
әйелдерді зорлық зомбылықтан қорғау
тобының инспекторы полиция капитаны
