Отбасындағы зорлық-зомбылыққа жол жоқ
Отбасы тұрмыстық зорлық-зомбылықтың алдын алу және жолын кесу бойынша жұртшылықты кеңінен ақпараттандыру, олардың полиция органдарына сенімін арттыру, қоғамда отбасының рөлін нығайту мақсатында ағымдағы жылдың 15-18 маусым аралығында «Отбасындағы зорлық-зомбылыққа жол жоқ» республикалық акциясы өткізілуде.Акция барысында дағдарыс орталықтарының үкіметтік е мес ұйымдардың, білім беру, денсаулық сақтау мекемелерінің мамандарын тарта отырып, арнайы қауырт желі бойынша сенім телефоны ұйымдастырылды.
Сонымен қатар, азаматтар жаппай жиналатын орындарда тұрмыстық зорлық-зомбылық профилактикасы бойынша жадынамалар мен буклеттер тарату жұмыстары жүргізілуде.
Отбасы тұрмыстық қатынастар аясында құқық бұзушылық жасауға бейім, ІІО-ның қорғау нұсқамасы, ерекше талап санатымен профилактикалық есепте тұрған тұлғалар бақылау жүргізуші учаскелік полиция инспекторларымен бірлесе отырып, тұрғылықты мекен-жайы бойынша тексерілуде.
Тұрмыстық зорлық-зомбылықтың алдын алу шаралары тұрақты түрде жүргізіліп келеді, зорлық-зомбылыққа мүлдем төзбеу әр азамат үшін лайықты іс.
Сәуле БИШЕКОВА,
Қазалы АПб-і ЖПҚб-нің
ӘЗЗҚт-ның инспекторы
полиция аға лейтенанты
