Сенімді қозғалтқышы бар алты автокөлік аталды
Фото: Kmpzzz/Shutterstock/FOTODOMAutocar журналы капиталды жөндеусіз одометрінде миллион шақырымнан асқан автокөліктерді атады, деп хабарлайды El.kz интернет порталы.
Тізімнің басында 1996 жылы шыққан жапон седаны Lexus LS 400 тұр. Ол 4,0 литрлік бензинді Toyota 1UZ-FE V8 қозғалтқышымен жабдықталған. Шыққан сәттен бері көлік 1,6 млн шақырым жүрген.
Одан кейін 1989 жылғы Saab 900 SPG келеді — оның одометрінде 1,5 млн шақырым көрсетілген.
Сондай-ақ, 1990 жылы шығарылған төртінші буын Honda Accord седаны да 1,5 млн шақырымнан асқан. Ол 2,2 литрлік бензинді F22A қозғалтқышымен жабдықталған.
Келесі орында 1991 жылғы Chevrolet Silverado (1,5 млн шақырым), 2013 жылғы Hyundai Elantra (1,5 млн шақырым) және 1990 жылғы BMW 325i (1 млн шақырым) тұр.
