ТОҒЫЗҚҰМАЛАҚ: ЖАСӨСПІРІМДЕР АРАСЫНДАҒЫ АУДАН БІРІНШІЛІГІ
Жуырда Қ.Пірімов ауылындағы Қ.Күлетов атындағы №92 орта мектебінде Ұлы Жеңістің 80 жылдығына орай "Ерлікке тағзым" атты тоғызқұмалақтан жасөспірімдер арасында аудан біріншілігі өткізілді.Аудан біріншілігі 9,11,13 жас жасөспірімдер арасында жекелей сынақта өзара бақ сынасты. Жарысқа аудан мектептерінен 70-ке жуық жас тоғызқұмалақшы қатысты.
Жеңімпаз және жүлдегер атанған спортшылар Қазалы ауданының дене тәрбиесі, спорт және туризм бөлімі мен Қазалы ауданы бойынша білім бөлімінің арнайы Дипломдары, медалдары және "Ең үздік ойыншы", "Белсенді ойыншы", "Нәтижелі ойыншы", "Ең үздік жас ойыншы" номинацияларымен марапатталды.
"ҚАЗАЛЫ" ақпарат
