Осыған орай, бүгін аудан әкімі Мейрамбек Шермағанбет аудан әкімінің орынбасары Күнтілес Айдарбекұлына құрмет көрсетіп, зейнет демалысына шығарып салды.

Еңбек жолыңызды қарапайым жұмысшыдан бастап, ауыл әкімі, аудандық ауыл шаруашылығы бөлімінің басшысы, аудан әкімінің орынбасары, аудандық мәслихаттың хатшысы қызметтеріне дейін жетіп, еңбекқорлығыңыздың арқасында көпшіліктің ыстық ықыласына бөлендіңіз. Еңбек жолыңыздың соңғы кезеңдерін аудан әкімінің орынбасары қызметін атқарып, туған жердің дамуы жолында жасаған еңбегіңіз үшін Сізге алғысымды білдіремін, - деген аудан әкімі Күнтілес Айдарбекұлына Қазалы ауданының «Құрмет грамотасын» табыстады.

Мұнан соң аудандық мәслихат төрағасы Ғазиз Әліш сөз алып, Күнтілес Назымбековтың аудандағы ауыл шаруашылығы мен кәсіпкерлік салаларының дамуына қосқан еңбегіне тоқталып, игі тілегін жеткізді.

Өз кезегінде Күнтілес Айдарбекұлы аудан басшысы мен әріптестеріне зор алғысын білдіріп, ел игілігі үшін жасап жатқан жұмыстарына сәттілік тіледі.