– Ұрпақтар сабақтастығы жарасымымен сақталса елдің берекесі де, мерекесі де таусылмасы анық. Бейбіт заманның қадірін білетін қадірлілеріміздің ақылы – дария, өмірі – өнеге. Аузы дуалы, аталы сөз айтатын баталы қарияларды, өз қадірін білетін, көреген, адал, ақ жаулықты әжені ерекше қадір тұтқан елміз.

Қарияларды қадірлеу, үлкенді сыйлау – қазақ халқының ежелгі дәуірлерден қалыптасқан қазыналы дәстүрлерінің бірі ғана емес, сол игі дәстүрлердің ең озығы, ғасырлардан ғасырларға жалғасып келе жатқан асыл мұра. Осыған орай бүгін өздеріңізбен жүздесіп, Алғыс айту күні мерекесімен құттықтауды жөн көріп отырмыз. Дегенмен Сіздерге әр күн сайын алғыс айтып отырса да жарасады. Сондықтан да баршамызды бір-бірімізге күнделікті жақсы сөз айтып отыруға шақырамын, – деді Күнтілес Айдарбекұлы.

Мұнан соң аудандық ардагерлер кеңесінің төрағасы Оразғали Бекбановқа аудан әкімінің «Құттықтауын» табыстап, ауданның өсіп-өркендеуіне қосқан үлестері үшін алғысын айтты.