Қазақстанда ителгі жойылып барады – Бектенов тапсырма берді
© Sputnik / Тимур БатыршинПремьер-министр Олжас Бектенов ителгінің популяциясын қалпына келтіруді тапсырды, деп хабарлайды Sputnik Қазақстан.
Үкіметтің бүгінгі отырысында сирек кездесетін және жойылып кету қаупі төніп тұрған жануарларды сақтау мәселесі қаралды. Премьер-министр ителгіні қорғау шараларына баса назар аударды.
"Құстың бұл түрі халықаралық табиғатты қорғау одағының қызыл тізіміне енгізілген. Ол елдегі ең ірі сұңқар болып саналады. Сондықтан оның санын қалпына келтіруге жағдай жасау үшін ғылыми негізде шаралар қабылдау қажет", - деді Бектенов.
Осы орайда үкімет басшысы экология, ғылым министрліктеріне ителгінің санын анықтап, оны қайта жерсіндірудің тиімділігін бағалауды тапсырды.
