Жанқожа батыр ауылындағы жаңа мектеп құрылысы қарқынды жүріп жатыр
Бүгін «AMANAT» партиясы Қазалы аудандық филиалының партиялық бақылау комиссиясының төрағасы Әділбек Сарабеков, партия филиалының Атқарушы хатшысы, комиссия мүшесі Нұрғиса Жалғасбаев және комиссия мүшесі Райымбек Бөлебаев Жанқожа батыр ауылында партияның сайлауалды бағдарламасын іске асыру шеңберінде салынып жатқан 300 орындық «Жайлы мектеп» құрылысымен танысты.
Қазіргі таңда мердігер мекеме «Асар» ЖШС құрылыс жұмыстарын қызу, әрі сапалы жүргізуде. Бүгінде төбе шатырын жабу, ішкі әрлеу, сыртқы абаттандыру сияқты т.б. жұмыстар жүруде. Жалпы құрылыс басында 170 адам жұмыс жасауда.
Өз кезегінде Партиялық бақылау комиссиясының мүшелері мердігер мекеме өкіліне құрылыс барысы бойынша бірқатар сауалдарын қойып, ұсыныстарымен бөлісті. Сондай-ақ аталған мектеп құрылысының жұмыстары аяқталғанға дейін партия бақылауында болатынын жеткізді.
#AMANAT
