Жаңа мектептің құрылысы қарқынды жүріп жатыр
Биыл Жанқожа батыр ауылында «Жайлы мектеп» ұлттық жобасы аясында 300 орындық мектеп пайдалануға беріледі деп жоспарлануда. Бүгін аудандық партия филиалының Партиялық бақылау комиссиясының төрағасы Әділбек Сарабеков пен Атқарушы хатшы, комиссия мүшесі Нұрғиса Жалғасбаев құрылыс алаңына барды.Білім ордасы партияның өңірлік сайлауалды бағдарламасын жүзеге асыру шеңберінде салынып жатыр. Мердігер мекеме «Асар» ЖШС өкілінің айтуынша ғимараттың құрылысы 65%-ға аяқталған. Қазіргі уақытта ішкі әрлеу, электр жабдықтарын орнату, шатырын жабу сияқты бірқатар жұмыстар жүріп жатыр.
Жаңа ғимаратта бірінші сыныптан он бірінші сыныпқа дейінгі оқушылар білім алады. Мектептің айналасына абаттандыру жұмыстары жүргізіліп, жаңа спорттық алаңдар салынады.
Білім ошағының құрылысы кестеге сай қарқынды жүріп жатқанын айтқан комиссия мүшелері, «Жайлы мектеп» болғандықтан, ол барлық жағынан жайлы, қолайлы бастысы сапалы болу қажет екенін жеткізді.
#AMANAT
