Күшейтілген рейд жұмыстары жалғасуда
Партияның «Бақытты отбасы» жобасы аясында «Балалардың қауіпсіздігі басты назарда» тақырыбында жасөспірмдер арасындағы құқық бұзушылықтың алдын-алу бойынша рейд жұмыстары жүргізілді.«Жастар рухы» ЖҚ аудандық бөлімшесі мен Жастар ресурстық орталығы бірлесе жүргізген рейд жұмыстары аясында Әйтеке би кентіндегі саябақтар, бірнеше мөлтек аудандар мен ойын-сауық мекемелері және басқа да бірқатар орындар қамтылды.
Естеріңізге сала кетсек, балалар мен жасөспірімдер рұқсат етілген уақыттан кейін заңды өкілдері мен ғана жүре алады. Егер, бұл талап сақталмаған жағдайда, кәмелетке толмаған баланы тәрбиелеу немесе білім беру, оның құқықтары мен мүдделерін қорғау жөніндегі міндеттерін орындамағаны үшін Әкімшілік құқық бұзушылық туралы кодекстің 127-бабы бойынша ата-ана жауапкершілікке тартылады.
Бұл бағыттағы жұмыстар күнделікті жалғасады.
