«Жайлы мектеп» жобасы аясындағы мектеп құрылысы қарқынды жүруде
Апта ішінде ҚР Парламенті сенатының депутаттары Геннадий Шиповскихпен Алишер Сатвалдиев Қазалы ауданына жұмыс сапарымен болып, жүргізіліп жатқан құрылыс жұмыстары мен бірқатар әлеуметтік нысандардың жай-күйімен танысты. Партияның сайлауалды бағдарламасын іске асыру шеңберінде «Жайлы мектеп» ұлттық жобасы аясында құрылысы қарқынды жүріп жатқан Жанқожа батыр ауылындағы 300 орындық мектеп құрылысын арнайы көрді.
Бүгінде білім ордасының бірінші, екінші қабатының кірпішін өру жұмыстары толықтай аяқталып, электр желілерін жүргізу, қабырғаларын сылау жұмыстары жасалуда.
Өз кезегінде Сенат депутаттары білім беру нысаны сапалы әрі мерзімінде пайдалануға берілу қажеттігін айтты. Айта кетейік, Сенат депутаттарымен бірге білім беру нысанының құрылыс көруге партия филиалының төрағасы Ғазиз Әліш пен Атқарушы хатшы Нұрғиса Жалғасбаев арнайы барды.
#AMANAT
