"Арзан сіту" кешенінің жұмысымен танысты

Қазалы ауданының әкімі Мұрат Ергешбаев бүгін "Батыс Еуропа-Батыс Қытай" көлік дәлізі бойында орналасқан "Арзан сіту" кешенінде болып, жұмысымен танысты.

Жеке кәсіпкер жол бойы сервистік кешенін пайдалануға беру арқылы 10 адамды жаңа жұмыспен қамтып отыр. Кешенде 120 адамға арналған кафе, 20 орындық қонақ үй, монша, автокөлік жуу орталығы, шағын маркет, техникалық қызмет көрсету орындары бар.

Жалпы, Қазалы ауданы аумағынан 96 шақырымы өтетін «Батыс Еуропа-Батыс Қытай» көлік дәлізі бойынан сервистік қызмет көрсету нысандарын салуға 5 учаске белгіленген. Қазіргі таңда екі нысан пайдалануға берілсе, бір нысанның құрылысы жүргізіліп, қалған екеуінің құжаттары әзірленуде.