Абай ауылындағы газдандыру жұмыстары партия назарында
![](/uploads/posts/2024-04/medium/1712810503_436cc7fb-1c43-427c-9c6f-ee1d7002dab4.jpg)
«AMANAT» партиясының Сайлауалды бағдарламасының ауданда орындалу барысын жүйелі бақылап отыру үшін бүгінде аудан бойынша партиялық бақылау бекеттері құрылған. Осы мақсатта Абай ауылындағы орамішілік газ желілерін жүргізу жұмыстарының мерзімінде аяқталуын, құрылыс сапасын бақылау мақсатында партиялық бекет ашылып, жұмысын бастады.
Партиялық бақылау комиссиясының мүшесі, партия филиалының Атқарушы хатшысы Нұрғиса Жалғасбаев пен комиссия мүшесі, аудандық мәслихат депутаты Күншығар Әбілов Абай ауылындағы орамішілік газ желілерін жүргізу жұмыстарын көрді.
Жауапты мердігер мекеменің өкілдері бүгінде жалпы ұзындығы 15,090 шақырымды құрайтын газ құбыры ауыл ішінде толық жүргізіліп болған. Бүгінде тұрғын үйлерге құбыр тарту жұмыстары жүруде. Толығымен іске асқан уақытта елді мекендегі 193 тұрғын үй және 8 әлеуметтік нысан көгілдір отынға қосылмақ.
Мұнан соң аманаттықтар партияның сайлауалды бағдарламасы шеңберінде салынып, пайдалануға берілген "Абай" дәрігерлік амбулаториясын көрді. Бүгінгі күні жаңа нысан ауыл халқының игілігіне үздіксіз қызмет етуде.
#AMANAT