Сәрсенбіде Қызылорда, Атырау, Қарағандыда аптап ыстық болады
6 маусымда Қазақстанның басым бөлігінде жауын-шашынсыз ауа райы күтіледі, тек батыста атмосфералық ағындардың өтуіне байланысты кей жерлерде өткінші найзағайлы жаңбыр жауады. Кей жерлерде жел күшейіп, солтүстікте түнде және таңертең тұман күтіледі, деп хабарлайды Қазгидромет.Солтүстік Қазақстан облысының кей жерлерінде күндіз жел 15-20 м/с, екпіні 23 м/с күшейіп, кей жерлерде түнде және таңертең тұман күтіледі. Ақмола, Маңғыстау облыстарының кей жерлерінде желдің жылдамдығы 15-20 м/с үдейді. Күндіз Батыс Қазақстан, Атырау, Ақтөбе, Қостанай, Шығыс Қазақстан, Жамбыл облыстарының кей жерлерінде жел 15-20 м/с күшейеді. Күндіз Қызылорда, Атырау, Қарағанды облыстарының кей жерлерінде аптап ыстық күтіледі. Маңғыстау, Атырау, Қызылорда облыстарының басым бөлігінде, Батыс Қазақстан, Ақтөбе, Оңтүстік Қазақстан, Жамбыл, Шығыс Қазақстан облыстарының кей жерлерінде өте жоғары өрт қаупі күтіледі.
.jpg)
