Жеке тұлғалар үшін соттан тыс банкроттық рәсімі түсіндірілді
Бүгін аудандық партия филиалында «Құқықтық көмек» партиялық жобасы шеңберінде «Жеке тұлғалар үшін соттан тыс банкроттық рәсімін түсіндіру» тақырыбында тақырыптық қабылдау өткізілді.Қабылдау барысында Қазалы ауданы бойынша Мемлекеттік кірістер басқармасының басшысы Темірлан Қожаназаров тұрғындарға соттан тыс банкроттық деп тану рәсімі бойынша түсіндірме жасап, кеңестер берді. Сондай-ақ қабылдауға келген тұрғындар жеке кәсіпкерлік, салық саласына қатысты сауалдарын қойып, толғандырған сұрақтарына заң тұрғысында жауап алды.
Айта кетейік, алдағы уақытта партия филиалының алаңында «Құқықтық көмек» партиялық жобасы аясында жеке сот орындаушылардың, медиаторлардың, құқық қорғау орган өкілдерінің қатысуымен тегін заңгерлік, құқықтың кеңестер беру жұмыстары жүргізілетін болады.
#AMANAT
